Bahlanka ba sephethephethe ba fuwe kahlolo
Lekala le Ikgethileng la Dipatlisiso (SIU) le amohetse kahlolo ya bahlanka ba bane ba sephethephethe kamora hore ba ipolele melato e mengata ya bomenemene.
Basebeletsi ba bane – Joyce Selepe, Ida Mdluli, Thembi Mavuso le Mduduzi Nkutha – ba ahloletsoe ho lefa Dichelete tse pakeng tsa R30 000 le R80 000 kapa hlola dilemo tse pedi le tse hlano chankaneng.
Setsi sa tshebetso ya bobodu se boletse hore bane ba tshwerwe le ba bang ba bane ka selemo sa 2019 kamora dipatlisiso tsa “bomenemene bo sebedisitsweng ke di ofisiri ho lahla ditefiso tsa laesense e boima ya makoloi ka bomenemene, mekoloto le dikotlo tse nolofaletsang basebedisi ho qoba tefo”.
“SIU e filwe tetla – tlasa Phatlalatso ya R37 selemong sa 2017- ho fuputsa diqoso tsa tsamaiso e mpe e tebileng, maitshwaro a sa lokang kapa a seng molaong a basebetsi, bahlanka, kapa diakgente tsa Lefapha la Dipalangwang le kabo kapa tshebediso e seng molaong ya tjhelete kapa thepa ya setjhaba mmoho le ngodiso. le ho fana ka mangolo a dikoloi,” ho boletse SIU.
Patlisiso ya sehlopha e boetse e kenyelletsa diqoso tse ding tse fapaneng tsa:
Bomenemene boingodisong ba botho ba makoloi kapa dintlha tsa laesense.
Ho fana ka mangolo a ho kganna, mangolo a tumello ya ho kganna kapa.
Phetolelo ya mangolo a ho kganna a tswang kantle ho naha le mangolo a ho kganna a sesole ho ba laesense ya ho kganna, ho fana ka mangolo a tshwanelehang tseleng; kapa ho fana ka dikarete tsa boikwetliso baho opareitara.
“SIU e boetse e etsa dipatlisiso ka ho kenngwa, ho fetola, ho senya, kapa ho qhekella, data kapa tlhahisoleseding ya elektroniki ya National Traffic Information System ka mokgwa o khahlanong le melao e sebetsang, dibuka, maano, mekgwa ya tsamaiso, ditaelo, kapa mekgwa e sebetsang, kapa e sebetsang ho Mekhatlo mme e ka bakang tshitiso ya tefo ya ditefiso tsa laesense, ldkotlo kapa chelete efe kapa efe e saletseng e lefshwang ke Naha,” SIU e boletse jwalo.
