Ho ahlolwa hwa lepolesa la mehleng la Mpumalanga
Mugiyo Ulrich Mabunda, 44, o ahloletswe bophelo bohle chankaneng ka mora hore a bolaye mosadi wa hae ka 2020.
Lepolesa la mehleng la Mpumalanga le ileng la bolaya mosadi wa lona mme la leka ho ipolaya, empa la pholoha, o ahlotswe bophelo bohle.
Mugiyo Ulrich Mabunda ya ileng a thunya mosadi wa hae ka la 14 Motsheanong 2020 lapeng la bona la Stonehenge, Mbombela, o ahlotswe Lekgotleng le Phahameng la Mpumalanga Mbombela ka Labohlano.
Sebui sa sepolesa, Brigadier Selvy Mohlala, o re Mabunda o fihlile hae a tswa mosebetsing ho ya bua le mosadi wa hae. Hamorao, Mabunda o ile a thunya mosali wa hae a leka ho ipolaya, Mohlala a eketsa.
“Mapolesa, hammoho le basebeletsi ba tsa bongaka, ba ile ba bitswa, mosadi o ile a phatlalatswa hore o shwele ke ba fanang ka thuso ya bongaka maemong a tshohanyetso, ha monna a iswa sepetlele a lebetswe ke mapolesa.”
Mabunda o ile a tswarwa ka mora hore a hlaphohelwe, mme a iswa kgotla, moo mmuso o ileng wa hlahisa nyewe e matla kgahlanong le yena, o ile a fumanwa a le molato mme a ahlolelwa ho hlola bophelo bohle chankaneng ka lebaka la polao”.
“Ha a ahlolwa, lekgotla le ile la hlakola beile ya hae mme la laela hore Mabunda a ipehe ho ba boholong, kahoo a ahlolwa a le ditlamong,” ho hlalosa Mohlala.
Mosadi wa Mabunda, Tebogo Dikeledi Auspicious Mabunda, 39, o ne a sebetsa e le quantity surveyor at Mpumalanga Disaster Management.
Mokhomishenara wa sepolesa sa Mpumalanga, Lieutenant General Semakaleng Daphney Manamela, o ile a fana ka teboho ho dihlopha tsa dipatlisiso le tsa bochochisi le lekgotla la boahloli bakeng sa ho fumana kahlolo.
