By Lesego Mohlamme

Nakong ena ea ho khinoa ha litshebetso tse itseng le metsamao ea batho ka hara Naha e le ho leka ho thibela ho nama ha seoa sa Coronavirus, litlolo tsa molao li ntse li etsahala seterekeng sa Sedibeng.

Ho ea ka Muelli oa Sepolesa sa Evaton Captain Aubrey Moopeloa o re Sergeants Shalom le Sgt Khumalo oa Sedibeng Tactical Task Team e leng Sehlopa se tsebahalang ka lebitso la ‘Amaberete’ ba ts’oere monna oa molata eo e leng letsoalloa la Pakistan lilemo li-50, ka ho ba le pistol e sa ngolisoang ea moetso oa 9mm ho kenyeletsa mahlahlelo a (40).

Mapolesa a ile a fumana leseli ho tsoa ho setho sa Baahi seo lebitso la hae le ke keng la patlalatsoa m’e Sepolesa see ile sa potlakela Unitaspark, Vereeniging moo melaelloa a ileng a fumanoa ka sethunya se seng molaong le mahlahlelo a sona.

Ka belaela o tla hlaha kapele ho lekhotla la ‘maseterata oa Vereeniging ho tobana le qoso ea ho ba le lithunya tse seng molaong le likulo.

Captain Moopeloa o re Ketsahalong e ‘ngoe mapolesa a Evaton a sepolesa a ile lelekisa motho ea neng a belaelloa haufi le sebaka sa Zone 6 Sebokeng.

Ha a ntse a lelekisa melaelloa o ile a lahlela ntho e belaetsang fatÅ¡e m’e ha mapolesa a ntse a etsa lipatlisiso a hlokomela hore ke sethunya sa moetso oa 9mm ntle le makasine le sephutheloane sa mahlehlelo o ne a wetse fatshe.

Sethunya se ile sa fanoa e le thepa e lahliloeng ho Sepolesa sa Evaton m’e ho tla etsoa lipatlisiso tsa forensic.

Share your input on this article

This site uses Akismet to reduce spam. Learn how your comment data is processed.