Motlatsi wa Moporesidente le bahlaka ba bang ba mmuso ba etela setereke sa Sedibeng
Motlatsi wa Moporesidente Paul
Mashatile ka Laboraro, la 12 Mmesa 2023, o tla etela Masepala wa Setereke wa Sedibeng ho la Gauteng ho buisana le mmuso wa lehae le ho hlokomela kgatelopele mabapi le ho kenngwa tshebetsong ha boitlamo bo entsweng nakong ya Imbizo ya Moporesidente ya Phato 2022, ke Moporesidente Cyril Ramaphosa.
Leeto la Motlatsi wa Moporesidente Mashatile le tsebiswa ke boikarabelo boo a bo filweng ba ho kenya tshebetsong ditekolo tsa ka potlako mabapi le phano ya ditshebeletso le ho rarolla mathata dibakeng tse tjametseng phano ya ditshebeletso.
Tekolo ya Motlatsi wa Moporesidente e tla boela e tsamaiswa le tekolo ya makala a fapaneng a mmuso, ho ntlafatsa tshebetso ya bomasepala tlasa letshwao la Moetso wa Ntshetsopele ya Setereke.
Sepheo sa ketelo ke ho fana ka maikutlo ho baahi ba masepala hammoho le ho bontsha kgatelopele e fihlelletsweng haesale ho tloha ka Imbizo ya Moporesidente.
Motlatsi wa Moporesidente Mashatile o tla felehetswa ke Letona Angie Motshekga, eo e leng Moetapele wa Moetso wa Setereke wa Masepala wa Setereke wa Sedibeng; Tona ya Metsi le Kgeleloleswe, Rre Senzo Mchunu, Tona ya Merero, Tekolo le Tshekatsheko, Mme Maropene Ramokgopa; Letona la Kopanelo ya Puso le Merero ya Botjhaba, Mme Thembi Nkadimeng; Motlatsi oa Letona la Likhoebo tsa Sechaba, Monghali Obed Bapela, Motlatsi oa Letona la Puso ea Kopanelo le Merero ea Borena, Monghali Parks Tau, Batlatsi ba Matona a Metsi le Tsamaiso ea likhoerekhoere, Monghali David Mahlobo le Mofumahali Judith Tshabalala.
Ho feta moo, Motlatsi wa Moporesidente Mashatile o tla tshwarwa ke Tonakgolo ya Gauteng, Monghadi Panyaza Lesufi, le MEC ya Porofense le Meyara Phethahatso wa Masepala wa Setereke wa Sedibeng. Cllr Lerato Maloka ka kopanelo le bo-ramotse ba dibaka.
