Mopresidente Cyril Ramaphosa o re maAforika Boroa a tlameha ho loanela ho etsa melao le melaoana ea mo-Presedente oa mehleng oa oa Africa Boroa, Monghali Nelson Mandela, e le ho phethahatsa pono eo a bileng le eona ea Afrika Boroa e lokolohileng le e tsoetseng pele.

Mo-presidente o buile sena ha a ne a bua le batho ba makholo, bao boholo ba bona e neng e le Bacha, ho (Grand Parade) ka pele ho Cape Town City Hall, ha Naha e hopola sehopotso sa bo (30) sa ho lokolloa ha Mandela ho teronko ea (Victor Verster) eo hona joale e tsejoang) joalo ka Setsi sa Tlhokomelo ea (Drakenstein).

Ka la 11 Hlakola selomong sa (1991), Mopresidente Ramaphosa e ne e le karolo ea moifo oa Baetapele, ba ileng ba amohela Mopresidente Mandela ho tsoa lihekeng tsa chankana. Setšoantšo sa ntoa se ne se qetile lilemo tse( 27) teronkong ka mor’a ho kenngoa chankaneng le ba bang ba bangata e le Monna e monyane lilemong tsabo (1960) ke mmuso oa khethollo.

“Joaloka hare hopola Madiba ka letsatsi lena – lilemo tse (30) ka mor’a hore a lokolloe – kaofela ha rona, re leke ho phela ka setšoantšo sa hae. Ha re lekeng ho etsa bonnete ba hore pono eo a nang le eona e ea phethahala, kaha kaofela ha rona re sebetsa ‘moho ho fihlela Boroa oo re o batlang – Afrika Boroa e nang le demokrasi, e se nang khethollo ea morabe, e se e nang le tlhobohano ebile e atlehileng, e le hore katleho e ka arolelanoa. hara rona kaofela,” o boletse joalo.

Ha Mandela a tsoa ka ntle ho liheke tsa teronko ea (Victor Verster), ho tšoarana ka matsoho le mosali oa hae ea ileng a hlokahala Mofumali Winne Madikizela-Mandela, ho ba makholo a ba batšehetsi le bashebelli, Mopresidente Ramaphosa o boletse hore eo ke nako ea maikutlo eo ho seng bonolo ho e hlalosa.

Share your input on this article

This site uses Akismet to reduce spam. Learn how your comment data is processed.